Hééé nkwel ééé!
Ngo Bikila a bé nlam kii sat manoodana. Inyu bilama gwé nyen ba bi léñél nye nguu balam le ’’Mpuma’’. Yong yé nlôm le Biyong bi Nkén i bi sémi nyemb i gwém ngôï bikaï i bilôk bi nsañ bi bi nañna i jôï jé.
Bikus bi Ngo Bikila bi bi sagal ntjaga njék i pôla bôôlôm bobasôna, wanda ni mimañ. Jôga li batjak nye li bé hoñlak le ba bada ndigi nye Mpuma kii ba bada kômôl ni njap.
Ndi Mpuma a bi bahba hibaï : nye a yé nkat bum nlôm, he yom yada ikédé tjom di bum baa nkat bé. A bi ligip ni lisôñ nyuu, a kaak lingwélés jé li muda nguu inyu libana pôla ni njel i teb i jam a sômbôl boñ, ni i mut a ngwés, nyemede mede.
Kibotam, sakla ngwo pék ni makèñge, a bi hôla Mpuma ngandak i yônôs njômbi yé ntèba ngwéha ikédé lingwélés jé li muda nguu. 
Ka i yé le Kibotam a jôp yak mu nkwel ntjaga nsañ wé Tonye Mbom bo Mpuma Biyong ba bé kwelek. Inyule Kibotam a bi yik helba nlegel mañwin ma ntjaga  mahogi.
KIBOTAM a yé nkwel u añal ni bigda jôga li binéha bi mam ma lilog jés, ni ma niñ yés kôba mambaï ma litén jés. 
I pôla ngandak mam i pe, unu nkwel u niiga le to a yila yaa yik, muda nguu a héli yidis nyemede ikédé lingwélés, i kaa ni sôñ libak jé li bañga muda, i ba bé nye nimis ñem ngôô, ñem nduña to ñem gwéha.
 
Mbock Mbeï Mbock a yiba kii Malét Ñkeñi ni Ntila bikaat. 
Kii man NdôgTindi, a bi gwééne Makaï, i énél Ngog Mapubi, i pes Loñge ni Kelle. Nkwel wé wada ini a gwés segel ni hop Basa’a inyu matén ma Bon ba Job.